På nye eventyr - Oslo

Velkommen til Oslo!

2011-09-08T14:38:00.000+02:00

No har eg allereie budd her i hovudstaden i fire veker, og dei vekene har gått fort!

Eg har flytta inn i Thereses gate 7B saman med Stine, Helene, Vanessa, David og Tor Gunnar, og set pris på å ha moglegheita til å vere sosial også i min eigen nye heim, samtidig som eg har ei dør som kan lukkast inn til mitt eige rom om ynskjeleg. Eg har starta på profesjonsstudiet i psykologi på universitetet, og eg har meldt meg inn i både treningsstudio og KRIK.

Oslo har mykje flott å by på, og eg kjenner at eg stortrivs. Det har eg gjort frå første dag!
Grunnar til det:
- gode vener
- spanande studier
- bra treningstilbod på treningssenter
- flotte joggeløyper
- KRIK
- Misjonssalen/Storsalen (eg veit endå ikkje kvar eg kjem til å gå fast)
- leilighet nær sentrum
- Joker-butikk i 1. etasje av leilighetsbygget = heimsleg! =)

For alle som måtte ha meir eller mindre interesse av å sjå korleis eg bur, så legg eg no ut eit par bilete frå leiligheten vår, og frå rommet mitt:

Fellesrom: Kjøkken og stove

TV-kroken i stoveavdelinga

Rommet mitt!

Senga mi

Stine sit og les i vindauget sitt:)

Eg har no vore gjennom to hektiske veker med fadderopplegg, og kjenner det var godt å komme i gong med kvardagen. Eg nyt kvar augneblink som student, og ser fram til seks spanande, hektiske og trivelege år i Oslo!

Velkommen på besøk når som helst!

xoxo

Til Malene

2011-09-08T00:32:00.001+02:00

Eg hugheilar deg av heile mi hoppande blodpumpe,
Lat meg trynsleikja deg kring etarholet!

<3

Heime att!

2011-06-09T19:42:00.006+02:00

No har eg hatt besøk i Nicaragua, tatt avskjed med León etter fem dagar der med Hildegunn og Malene, og reist vidare til Utila i Honduras. Der var me i ei veke. Me dykke og koste oss, og tok deretter flyet heim til Noreg.

Takk for alt, Nicaragua, det har vore flott! …men det var veldig godt å komme heim :)

- Gunhild

Ferieveker!

2011-05-08T23:54:00.001+02:00

Då kjem altså eit siste innlegg her før eg returnerer til vakre Noreg om eit par veker.

Om mindre enn 5 timar skal eg møte Hildegunn og Malene på flyplassen i Managua, og saman skal me surfe, gå på vulkantur, padle kajaksafari, dykke og kose oss her borte i Mellom-Amerika

Sidan sist har eg hatt resten av mine eksamenar, og eg vonar at det vert ståkarakter på samtlige, sjølv om eg ikkje har lagt all verdas innsats og krefter i lesing og studering her i varmen.

Men i tillegg til eksamenar, så har eg vore på tur til Little Corn Island, som var eit verkeleg paradis på jord! Eg var der i 5 dagar etter at mange studentar byrja å forlate bustadane våre i byen, og eg vart bekymra for å vere att aleine. Så me bestemte oss på fredagen (29.april) og bestilte billettar til lørdagen. Me drog 5 stk, og traff fleire norske studentar på den litle øya etter nokre dagar.

Det var ei heilt nydeleg ferieveke full av soling, bading, kvite sandstrender, turkis-blått hav, dykking og eting!

Bienvenidas, Hildegunn og Malene!

- Gunhild

Eksamenstida…

2011-04-20T01:49:00.001+02:00

...har starta. Eg har allereie hatt ein eksamen, i didaktikk (min første universitetseksamen), og stått på den, så no har eg berre tre eksamenar igjen dette semesteret. Måndag og torsdag etter påske er det skriftleg og munnleg spanskeksamen, og den 6. mai får eg utlevert heimeeksamen i Latin-Amerikastudier. Det vert kjekt... å bli ferdig med:)

Elles så må det nemnast at det no er berre 19 dagar att til eg får besøk av mine to kjære, Hildegunn og Malene!:D Det gler eg meg kjempemykje til!

Nos vemos, chicas!

- Gunhild

Då har det gått ein månad til!

2011-04-07T20:14:00.001+02:00

Eg har no innsett at det er ganske lenge sidan eg har oppdatert bloggen min, og eg vil gjerne få formidle at eg framleis lever i beste velgåande.

Det har skjedd mykje den siste månaden. Eg har vore på helgetur både til Matagalpa og til Granada. Eg har bada og solt meg på Hotel San Cristóbal, eg har ete (litt vel) mykje god mat, og eg har studert og jobba med eksamenar som kjem i løpet av dei neste vekene.

Turen til Matagalpa var helga 11.-13. mars. Me besøkte ein kaffifarm, såg framande og spanande dyr, fekk prøvd oss på litt hesteridning og gjekk tur til eit lite og koseleg fossefall inne i “regnskogen”.

Dette var ein fellestur arrangert av Kulturstudier, og me hadde difor lite ansvar og kunne heller lene oss tilbake og nyte heile opplegget. Det var óg veldig godt å komme opp til ein liten fjellandsby med merkbart lågare temperatur, fordi i León har gradene no runda 40-talet…

Neste tur var altså til Granada. Me var fire jenter som bestilte oss spa-tur helga 1.-3. april, altså forrige helg, og det var også ein særs flott og avslappande tur! Granada er i seg sjølv ein nydeleg liten by, og når ein i tillegg bruker 2-3 timar på spa og har air condition, varmt vatn og basseng på hotellet, så kan ikkje turen slå feil!

I tillegg til å sjå byen og å nyte vellværebehandlinga, var me på den store marknaden i Masaya utanfor byen. Der gjekk me rundt i fleire timar på laurdagen og fekk kjøpt oss litt typiske souvenirar frå Nicaragua.

Som de ser har dette vore ein flott og innhaldsrik månad som eg har MANGE bilete frå!

Nos vemos

- Gunhild

León

2011-03-07T23:49:00.001+01:00

La Catedral, den største i Latin-Amerika.

La Iglesia de Recolección, min næraste nabo.

Hostal Colibrí, min heim.

Rom nr. 3, som Cecilie og eg bur på.

Så veit du det!

- Gunhild

Ein månad har gått… fort!

2011-02-27T21:09:00.000+01:00

No har eg allereie vore student i León i ein månad, og eg har vore vekke heimanfrå i to månader. Tida går fort når det er mykje som skjer, og her kjem ei lita oppdatering igjen på kva eg har gjort sidan sist innlegg.

Hovudsakleg er vel turen til surfe- og turistbyen San Juan del Sur sist helg det som er verdt å nemne, men også turen me hadde i går til ei strand halvannan time nord for León der me også surfa. Begge turane har var veldig kjekke, slik dei alltid blir med kjekke folk! Eg har fått surfa, bada, shoppa, sett nye stader, og truffe nye menneske.

Her kjem ein liten biletserie frå turen til San Juan del Sur.

Varme klemmar frå León!

- Gunhild

Hotel San Cristóbal

2011-02-15T16:59:00.001+01:00

Her kjem eit par bilete frå eit av alternativa våre når det gjeld lesing, studering og avslapping på fritida. Nemleg Hotel San Cristóbal. Her er det heilt nydeleg, reint og fint, kjølig basseng, billig å komme inn. Me i Kulturstudier får rabatt, slik at me kan vere der ein heil dag og bruke bassenget for ca US$ 6. Digg!

Livet er herlig

Studiestart!

2011-02-08T15:49:00.001+01:00

Då var ferien over, og det harde livet med seriøse studier i gong. Me har hatt eit par samlingar angåande informasjon om studier og opphald, og med omvisning i byen og ved studiestadane me skal/kan bruke.

I går var me nede på studiesenteret vårt på Las Peñitas for første gong. Der tok me i spanskgruppa ein diagnistisk test (ca 15 min), og hadde deretter fri til bading og soling resten av dagen medan lærarane våre delte oss i passande grupper. Så no er det altså klart: Eg skal studere Spansk 1 (vidarekomne) saman med fire andre jenter. Det vert nok spanande og lærerikt!

Og berre for at alle som les bloggen min skal få noko konkret å relatere til når dei les, så legg eg ut eit par bilete frå studiesenteret vårt der me skal vere omtrent kvar dag i dei neste tre månadene.

Slik er livet mitt i Nicaragua

- hasta luego

Spanskkursstart!

2011-01-29T22:10:00.001+01:00

Sist bloginnlegg var av ein relativt depresiv type, så no kjem eit litt lysare eit.

No har eg budd på Monkey Republic (Kulturstudier sitt nyoppussa hostel) i akkurat ei veke, og mykje har skjedd på den tida:

Eg har vore hos legen (på spansk)
Eg har blitt frisk att
Eg har blitt kjent med 15 kjekke, norske studentar
Eg har hatt ein-til-ein-spanskundervisning i ei veke, og har altså fått snakka mykje spansk
Eg har bada mange gonger i Stillehavet
Eg har shoppa i León
Eg har prøvd ut mange restaurantar i León
Eg har vore utan kamera i ei veke fordi det var øydelagt, men så mista eg det i golvet, og no fungerer det heilt fint
Eg har gitt meg sjølv restriksjonar på Oreokjeks (dei er kjempebillige her!)
Eg har drukke mykje vatn og Powerade/Gatorade
Eg har vore svært varm kvar dag
Eg har fått litt farge
Eg har vore på jungelsafari med båt i Mangroveskogen
Eg har sett krokodille og vaskebjørn
Eg har fått beskjed om at eg får besøk av Hildegunn og Malene i mai!

Ellers trivst eg godt her i min nye studieby, og ser fram til å komme i gong med studier, treffe resten av studentane, og finne ut kvar eg skal bu dei neste fire månadene.

Her kjem ein liten serie med bileter frå safarituren (det var den dagen kameraet datt i golvet):

Flott tur med flotte folk!

- Hasta luego

Kort oppsummering av veke 3

2011-01-21T15:12:00.001+01:00

Eg har vore sjuk og tilbragt det meste av døgnet inne i senga mi på hostellet.

Men i løpet av denne sjukdomsperioden har me forflytta oss frå Las Peñitas og inn til León, byen eg skal bu i dei neste fire månadene. Eg har ikkje sett så veldig mykje endå, men Ane og Ragnhild seier det er ein veldig fin by! Godt eg har litt tid seinare til å sjå meg om.

I går var eg til legen. Han spurde ein haug med spørsmål, trykte litt på meg, og ga me til slutt norke medisiner, så no håpar eg at alt snart vert bra att. Det å vere sjuk så langt heimefrå speler ganske godt inn på humøret i tillegg, så det har nok ikkje vore berre enkelt for Ane og Ragnhild å vere på tur med meg desse dagane…

Men no håpar eg altså at både psykisk og fysisk helse skal stige litt, slik at eg er klar for forkurs i spansk i to veker på måndag.

Turen fortset..

2011-01-16T23:45:00.000+01:00

Førre innlegg var berre ein minimalistisk oppdatering av kva som har gått føre seg sidan eg dro heimefrå den 3. januar.

No sit eg på Playa Roca, eit hotel i eit strandområde ved stillehavskysten i Nicaragua. Men før me kom til denne staden har var me eit par dagar i Monteverde i Costa Rica. Siste dagen der gjekk med til fjelltur i jørme og regn,

og til Canopy tour. Begge turane hadde sin sjarm, men Canopyen var definitivt høgdepunktet! Me gjekk på platformer høgt over bakken og vart sende gjennom lufta i klatreutstyr glidande nedover lange vaierar. Det var kjempegøy, og på det høgaste sigla me under himmelen ca 180 meter over bakken. Den lengste vaieren var 1km lang, og der hang me med ryggen opp i ekte flygepositur! Den vart kalla Supermann

Etter desse opplevingane sette me kursen nordover mot Nicaragua.

Me hadde ein liten bomtur først eit stykke vest for Managua, og drog vidare opp til León dagen etter. Derfrå tok me bussen ut til strandområdet Las Peñitas på stillehavskysten. Det er her eg sit no og beundrar solnedgangen medan eg skriv blogg. Her ute på stranda er det varmt og strålande sol kvar dag. Me har sola oss og bada mykje i bølgene.

Elles har me rusla rundt og blitt litt kjende med småbyen og restaurantane her (nokre meir turistretta og profesjonelle en andre), og Banana Bread er ein av favorittane førebels. Det er kjempegodt!

I morgon dreg me innover i landet til León der me allereie har booka hostel. Billige overnattingsstader er perfekt av fleire grunnar. Det er billig, og det kryr av andre sosiale backpackerar. Difor har me allereie blitt kjende med mange andre, og fått litt reisetips og gode råd om etestadar og turar.

Oppsummering: Eg stortrivs! …men eg saknar heimelaga grovbrød med heimelaga bringebærsyltetøy… Då smakar det nok berre ekstra godt når eg kjem heim att i mai

Ut på tur, aldri sur!

2011-01-12T19:28:00.004+01:00

Eg har fått høyre at eit nytt innlegg her er ettertrakta, og vil difor legge ut eit par bilete og skrive ein liten skvett om kva som går føre seg i mitt liv desse dagane.

Eg er altså no på reis i Latin-Amerika saman med Ane og Ragnhild før eg skal stasjonere meg i León, Nicaragua, den 23.jan. For augenblinken ligg eg på senga mi på hostellet vårt i Monteverd, ein liten fjellandsby i Costa Rica. Veldig koseleg stad, og sidan me er i fjellområde følte me at me burde nytte sjansen å gå fjelltur. Så det gjorde me sjølv om det har regna og blåse mykje heile dagen. Uansett, herlig å komme seg ut!

I morgon dreg me vidare til Nicaragua for litt sol og strandliv, og me ser fram til lit skikkeleg varme att (slik me hadde førre veke).

For ei veke sidan var me nemleg på den Dominikanske Republikk hos ein venn av Ane (frå utvekslingsåret hennar i Tyskland) som heiter César. Der fekk me oppleve litt ekte kultur frå innsida, og litt luksusferie og turistliv på eit 5stjerners all inclusive hotel på den karibiske kysten, Punta Cana. Nydelege strender og flotte omgivnader på området til Ocean Blue Spa and Resort (eller noko i den duren)! Difor prøvde me sjølvsagt både the Ocean og the Spa=)

Eg fattar meg litt i kortleik no, så kan eg heller skrive meir ein annan gong.

Snakkast!

...oppsummering av hausten 2010

2010-12-20T20:37:00.003+01:00

Ja, eg veit eg er flink til å oppdatere bloggen min, men sidan eg tvilar på at så mange les han, så gjer det kanskje ikkje så mykje?

Men for å seie noko om ståa no:

- eg har budd heime med mamma og pappa heile hausthalvåret

- eg har jobba i 5 månader i kyrkja her heime i Tysvær

- eg er ferdig med trusopplæringsdelen av jobben der eg har hatt ansvaret for:

- hausttakkefest med 7-åringane

- misjonsdag med 9-åringane

- alternativ halloweenfest med 12-åringane

- barnebibelutdeling og samling med 4-åringane

- Lys Vaken (overnatting i kyrkja) med 11-åringane

- julekrybbeverkstad med 5-åringane

- eg har 3-4 dagar igjen på kontoret

- eg saknar framnesfolk, og har difor brukt mange helger på å reise på besøk, og på å få besøk

- eg har hatt brunt hår i ca 3 månader, men er no blond igjen

- eg gler meg til å reise på ein månad long ferie i Latin-Amerika saman med Ane og Ragnhild

- eg byrjar å bli særs klar for å reise til Nicaragua for å studere spansk

- eg har julegåvene stort sett under kontroll

- eg gler meg til heile familien vert samla i julehøgtida

- eg gler meg til "Tre nøtter til Askepott" på julafta saman med Lillann

- eg var nett på "Flink pike"-showet til Pernille Sørensen - det var utruleg morosamt og kjekt!

- eg har vore på skøyter på Kaggestadvatnet (før snøen kom)

- eg ynskjer alle ei fantastisk GOD JUL!

Det var alt for denne gong... eg skal skrive meir neste månad, for då har eg nok litt meir å fortelje:)

- Gunhild

Septembersommar

2010-09-13T20:46:00.001+02:00

Eit par bilete frå september på Nedstrand som kan vere verdt å dele?

Dette er verkeleg noko eg kan bli vant med=)

Kva driv du med?

2010-08-02T23:44:00.004+02:00

Eg hadde svært små planar om i det heile å behalde denne bloggen framover, men så kom eg i hug at det kanskje er nettopp no det er kjekt å ha blogg. No når eg bur så langt vekke ifrå alle dei som har vore kvardagen min dei tre siste åra.

Dersom alle me framnesingar som har blogg skriv litt i ny og ne, så kan me halde oss oppdaterte om kvarandre sine viktige gjeremål vidare i livet utanfor Framnes.

Kva driv DU med?

Me bloggast!

...

2010-05-09T21:02:00.001+02:00

Nei, eg har ingenting fornuftig å skrive, eg vart berre litt lei av å sjå den same sida kvar gong eg var inne på bloggen min. Så her kjem ei lita oppdatering frå meg!

Gran Canaria!

2010-01-07T13:36:00.001+01:00

Berre eit minimalistisk utval av bilete frå Gran Canaria-turen Hildegunn og eg hadde i romjula. Litt sol og varme i den mørke og kalde årstida er ikkje feil :D

Det snør, det snør…

2009-12-21T16:41:00.001+01:00

Eg greidde ikkje motstå freistinga av å leggje ut nokre få bilete av all snøen som kom no på laurdag.

Snøen kom dalande heile dagen, og med omtrent 70 cm, og berre minusgrader heile den neste veka, kan me alle gle oss til ei skikkeleg kvit jul her heime på Nedstrand.

Vis fullstendig album

“It’s the most wonderful time of the year!”

No tenner vi det tredje lys…

2009-12-14T17:39:00.001+01:00

No står tre lys og brenn på rommet. Det tyder at det berre er èin sundag att før jul. Eg gler meg til både julehøgtida og til ferien. Eg ynksjer alle ei god og velsigna adventstid vidare!

Silje :)

2009-11-16T16:33:00.001+01:00

No har eg truffe niesa mi nok ein gong. Ho vert større og større for kvar gong, og eg skulle gjerne ynskje at eg kunne vere der med ho heile tida. Eg går glipp av så mykje kjekt!

Silje er no litt over eit halvt år, og ho er komen i “redd nye folk”-stadiet. Ho var altså ikkje så glad for å sjå meg att dei første minuttane, men det gjekk fort over. Etter ei lita stund kunne eg både prate og leike med ho nett som før.

For ei herleg og blid lita jente!

Haust

2009-10-01T10:18:00.001+02:00

Ja, då var hausten komen til Hardanger. Mange tenkjer nok på hausten som ei årstid med mange fargar og kalde kveldar. Det gjorde eg òg før eg kom til Framnes. Her i Vikøy er hausten nemleg ei årstid av regn, regn og regn. Me har kanskje hatt fem opphaldsdagar i laupet av halvannan skulemånad som me no har vore her.

Men i dag kunne eg vakne opp og sjå ut på ein av desse fem fine dagane. Fuglane syng og sola skin fram mellom skyene. Trea har byrja å få gule fargar (nokre stader), og fjelltoppane har fått eit tynt, kvitt lag av snø. Nydeleg!

Utsikten ut vindauget mitt denne første morgonen i oktober.

Ha ein flott haust, folkens! :)

Sommaren 09

2009-08-02T15:01:00.001+02:00

Då har store delar av sommarferien gått, og eg er ferdig med all jobbing! No har eg eit par dagar å slappe av på før turen går vidare sørover i landet vårt, til Kristiansand og ARENA :)

Etter mykje jobbing (og tidlege morgonar) er det godt å få sove til omtrent midt på dagen. I går serverte eg i bryllup heile dagen, og det vart avslutninga på ein sommar med ein del jobbing. No reiser eg, som sagt, til Sørlandet. ARENA, som går føre seg på Dvergsnestangen Camping utanfor Kristiansand, varer frå tysdag 4. til søndag 9. august. Eg gler meg mykje til denne leiren, og håpar (og trur) at han vert minst like bra som forrige gong eg var der!

Denne gongen reiser eg (og skal dele telt) med bl.a. Shandell og Hildegunn. Me skal ha klatring som aktivitet, og me vonar at dette vert ei flott oppleving!

Etter ARENA skal eg besøke Kristine Hope i Søgne i eit par dagar. Det vert nok kjempekjekt, og det skal bli godt å sjå ho att (ho har jo vore i Brasil det siste året)!

Når eg kjem heim derfrå, så har eg berre to dagar å pakke på før mitt tredje år på Framnes tek til. Og då var sommaren over…

Jaja, men i tillegg til å jobbe og å vere med vener her heime, har eg jo fått gjort litt diverse:

- Kjørt opp (og, ja, eg sto!)

- Hatt ein snarvisitt av Isabell.

- Vore med familien til Trondheim, besøkt Johanne i Levanger!

- Hatt barnedåp for mitt tante- og fadderbarn Silje.

Vis fullstendig album

- Hatt ein snarvisitt av Ingrid.

- Fått låne bilen heime, og tatt meg ein femdagars biltur. Besøkt Ane (som nett kom heim att frå Tyskland etter eit år!) og Hildegunn <3 Og truffe fleire framnesingar som bur der omkring.

- Og så altså ARENA og Søgnetur!

Håpar alle andre óg har hatt ein flott sommar <3

Sommarferie :D

2009-07-04T11:23:00.001+02:00

Då er sommaren for alvor komen til landet vårt. No har det, dei siste vekene, vore 30 grader og sol kvar einaste dag! Er ikkje det flott?

Sjølv har eg farta litt rundt, bada, solt meg og jobba.

Forrige veke var eg i Trondheim (storesøster) og Levanger (Johanne) på besøk. Dette vart ei flott veke, og eg fekk nyte både by- og badelivet.

Det var spanande å endeleg få sjå garden og grisane til Johanne, og med både grilling og segltur vart desse to dagane nokre av dei beste i ferien til no.

Båtturen :)

Då var det gjort!

2009-06-18T17:35:00.001+02:00

Eg tenkte eg skulle følge Isabell sitt døme om at “på kjøleskåpet heng det ein lapp”, men eg hadde diverre ingen bilete å leggje ut…

Så då får eg la vere. Men han heng der ;)

Vaskedag = ferie!

2009-06-09T15:25:00.001+02:00

No er årets vaskedag gjennomført, og me kan gle oss til over to månaders ferie!

Etter ein lang dag med vasking, pakking, rydding og flytting er det godt å endeleg få ferie. Men eg veit med meg sjølv at etter fire timar heime, vert eg rastlaus. Eg treng folk rundt meg heile tida (slik vert ein av å gå på internatskule), og sidan Nedstrand ikkje er så veldig sterkt befolka, så melder einsemda seg raskt. Difor kvir eg meg også litt til å reise.

Men men, litt keisame stunder er berre sunt, eller? Eg skal no greie å nyte ferien likevel. Ein del jobbing, litt reising og ARENA! Og så er det jo sjølvsagt bading og strandliv. Nedstrand er ein flott stad, særleg når eg finn nokon som kan vere med ut på ting :)

Uansett så har eg familien min, og eg gler meg til grilling, volleyball i hagen, trening, bading og barnedåp! Kanskje ein liten pause frå Framnes ikkje er så dumt likevel? Eg kjem jo tilbake i august…

God sommar alle saman! <3

Tysdag 26. mai

2009-05-28T13:40:00.001+02:00

Dette må eg seie at var ein veldig spanande dag. For det første hadde eg tyskeksamen denne tysdagen. Oppgåvene var om politikk, og dei fem timane gjekk dermed uutholdeleg sakte! Men klokka halv to var leveringa gjort, og eg kunne nyte resten av dagen. Ikkje at å skrive tysk er keisamt på nokon måte, men det var greitt å vere ferdig likevel…

Så kunne eg ta fatt på den andre hendinga på denne flotte dagen. Eg vart 18 år! Ergo er eg no vaksen i staten sine auge, og eg er myndig. No kan eg altså gjere akkurat som eg vil, og ingen kan hindre meg :) Eg trur ikkje akkurat at eg kjem til å endre åtferda mi merkbart, men det er kjekt å tenkje på at eg faktisk er fri.

Eg fekk både meldingar og telefonar, kort, presangar og is med banan, peanøtter og heimelaga sjokoladesaus på denne dagen. Pluss at eg fekk opptil fem bursdagssongar. Ikkje verst… ;) Så takk alle saman!

Silje, verdas venleik!

2009-05-22T00:17:00.001+02:00

Då har me altså fått besøk her i Nedstrand. Katrine, Eivind og Silje kom køyrande frå Sogndal nokså seint onsdags kveld, og me tok dei imot med eit godt midnattsmåltid. Silje var kanskje ikkje så sulten på vår mat, men ho et jammen godt av sin eigen.

No er jenta vorten tre veker gammal, og me ser utvikling både i storleik og kontakt. No kan ho altså smile, sjølv om eg ikkje har sett det sjølv enda, og me kan få kontakt dersom me snakkar med ho.

Silje er verdas nydlegaste jente, og eg er kjempestolt over å være tanta hennar! Eg har allereie bestemt meg for å ta alle sjansar eg får på å vere barnevakt, og så håpar eg verkeleg det ikkje går så lang tid mellom kvar gong eg ser ho.

Eg prøver heile tida å lære jenta viktige gloser, som “tante Gunhild”, men førebels er resultatet skuffande.. Kanskje ho bør få eit par veker til på seg? Eg får prøve att i dåpen i juli.

Resten av denne ferien min (tolv fridagar ettersom eg kom opp i tysk skriftleg eksamen tysdag 26. mai, og har fri til dess) som eg har fire dagar att av, skal eg bruke til babypassing, hårklipp, trening, soving og kanskje litt tysklesing (?), og så får eg sjå korleis resten av året vil utarte seg.

Snakkas seinare… - stolt tante Gunhild

It has finally happened! :)

2009-05-05T16:14:00.005+02:00

No er det nokså lenge sidan eg har skrive noko her på denne sida, så no var det verkeleg på tide.

Mykje har skjedd sidan sist. Eg hugsar ikkje alt, men den siste helga ligg framleis friskt i minnet.

Det var langhelg her på Framnes, så på torsdagen tok Hildegunn og eg bussen til Voss. Der skulle me treffe mamma og pappa, og så skulle me saman ta toget til Finse. Men så langt kom me ikkje den kvelden... Bussen me sat på stoppa nemleg opp i dei bratte svingane, omtrent eit kvarter før me kjem til Voss. Då fungerte ikkje giren lengre, så me vart ståande. Hildegunn og eg var positive. Me prøvde å haike (ved bag og ski), men sidan det ikkje gjekk så bra som me hadde håpa på, så fann me ut at "Jaja, det er nok heilt sikkert ei meining med dette!". Me rakk (sjølvsagt) ikkje toget til Finse den kvelden, og måtte overnatte på Saue camping på Voss. Neste toget gjekk neste morgon, og me kom oss opp og fekk byrja på skituren halvannan time etter det som var planlagd.

Me hadde ein nydeleg tur på omtrent 7 timar (22 km). Vegen opp var i skugge, sterk motvind og skodde, men det tok ikkje motet frå oss. Me kom opp til Jøkulhytta etter omtrent 3 timar. Der fekk me høyre at det vanlegvis var flott utsikt, men grunna skodde, kunne me ikkje sjå stort lenger enn til våre eigne skituppar (heldigvis var løypa godt merka!). Me valde å gå heile runden over breen (Hardangerjøkulen), og følte oss som polfararar då me kryssa over ope snødekt landskap i vind og skodde.

Men etter ei stund kom me inn i sola. Derfrå var turen nydeleg! Me bretta opp jakkeermene, og solte oss som best me kunne medan me rann ned og gjekk "i mål" nede ved turisthytta, der me hadde starta om morgonen.

Me var alle litt svoltne etter turen, og tenkte at middag på turisthytta kunne smake, men der var det heilt fullt. Dei hadde plass til 90 overnattingsgjester, og for augeblunken hadde dei over 100. Hadde me kome der kvelden før, som planlagd, hadde me alltids fått kvar vår madrass rundt i nokre gongar, men alle romma var fulle. Der kom kanskje meininga med å ikkje rekke toget?

Me fekk i oss litt små-mat (chips og kjeks), og så åt me pizza då me kom ned att til Voss. Derfrå gjekk turen i bil (køyrd av underteikna) til Framnes, og me sovna alle med ein gong.

Resten av helga tilbrakte eg på Leknes i Knarvik hos Hildegunn. Me gjorde alt frå å leike barnevaktar til å ta morgonbad i fjorden. Fjelltur, tivoli, matte, grilling og trampolinehopping vart det óg tid til! Ei strålande helg :) No har eg sett huset, og truffe fleire familiemedlem, til både Hildegunn og Runar.

Eg kunne ha skrive lenge om alt me fann på heime hos Hildegunn, men det blir faktisk litt mykje, så kanskje oppfølgjaren kjem (eller ikkje...)?

Helga toppa seg vel på søndagen, då eg fekk beskjed om at ei jente på 52 cm var fødd på Førde sjukehus! Eg kan no offisielt kalle meg "tante Gunhild", og eg gler meg kjempemykje til å stifte bekjentskap med det nye barnet!

Alt i alt har nok dette vore ei av dei beste helgene på lenge :) Og ikkje ein gong mattetentamenen me måtte lese til siste dagen hos Hildegunn (måndagen), fekk teke motet og gleda frå meg. I skrivande stund er eg ferdig med tentamenen, og dersom eg ikkje kjem opp i matte til eksamen, så er eg ferdig for godt! For ein herleg tanke :)

Takk for ei flott helg, Hildegunn (og alle andre eg har tilbrakt tid med denne helga)! :)

Siste innspurt...

2009-04-20T12:40:00.002+02:00

Jaja, då vra ferien ferdig (for ei stund sidan), og dei siste vekene med skulearbeid er påbegynte.

Personleg, så er eg glad over at ein av dei siste resterande prøvane nett er overstått, og eg kan glede meg til både tysklandsbesøk og langhelger. Friluftslivsprøve tidlegare i dag, gymprøve i morgon, og så er det "prøvefri" lenge! Me skal sjølvsagt ha både tentamenar og ein eksamen, men då vert det heilt andre studiemetodar enn prøvepugging.

No i helga hadde me både høge temperaturar og strålande sol! Det var heilt nydeleg, og ikkje ein gong prøvelesinga som eg måtte drive med på søndagen, klarte å ta gleda vekk desse dagane. Dersom sola held seg framme no framover, så kan me alle nyte dagane. Ingen prøvar, berre tentamen og lesedagar (og lesedagane likar me!). Det skal bli nokre flotte månader.

Dessutan har nedteljinga til sommarferien starta, og humøret ligg då på topp.

God vår alle saman! :)

Påske :)

2009-04-04T16:45:00.004+02:00

Ja, då var det endeleg påskeferie! Timane på fredagen gjekk temmeleg seint, men då dagen var slutt, var alt gløymd.

Me pakka ferdig, og gjekk glade og nøgde ned til parkeringsplassen, der bussen (skulle ha) venta på oss. Etter ei litt strabasiøs reise, nådde me fram til Leirvik, der pappa venta på meg. Me plukka opp farmor i Bandadalen, og eg køyrde heim.

Å komme heim etter sressande veker på skulebenken er alltid godt! Eg kan sove, slappe av, trene, treffe familie og venner, og no i påsken skal me på hytta på Reinsnos.

For første gong på lenge, gler eg meg faktisk til å gå på ski på hytta. Eg har blitt "tvinga" ut på ski i alle år, difor har gleda vore litt lita. Men, som sagt, i år gler eg meg! Kanskje det er fordi eg har hatt eit år med friluftsliv på skulen, der eg har innsett kor kjekt det kan vere på tur? Nei, turane har jo ofte vore kjekke før også. Så kanskje grunnen kan vere at eg no, etter å ha kunna drive begrensa med aktivitet i seks veker på grunn av broten arm, set pris på dei små gledene eg kan få ute? Eg trur kanskje det må vere den siste. Eg har gått glipp av mykje skigåing på skulen på grunn av skaden min, så no ser eg fram til å kunne ta i bruk det siste eg har lært av telemarkkjøiring!

God påske alle saman :) Ha ei velsigna høgtid!

2009-03-30T22:57:00.002+02:00

No har eg vore med på to feiringar av Synnøve sin 18-årsdag. Ein vert berre 18 éin gong i livet!

Den første feiringa var heime hos Synnøve på Fitjar i Sunnhordland. Me var åtte jenter (inkludert jubilanten) som gjekk ut på tur, grilla pølser og pinnebrød, åt sjokolade og apelsiner. Me var både mette og gode då me kom inn att, særleg sidan me hadde ete oss nokså mette på bollar på førehand. Men trur du ikkje ho kjære Miss Aarskog hadde planlagd pizza óg? Jo, to store pizzaar stod nemleg og venta på oss om kvelden. Me sløkte alle lysa i huset (for å støtte Earth Hour) frå 20.30 til 21.30, og sat i mørket med mange små stearinlys rundt oss. Det var veldig koselig, og me kom ikkje på at me mangla nokon ting. Pizzaen var kjempegod, og me følte oss alle endå mettare enn kva me var då me kom inn (logisk nok..)

Me spelte både "Ta sjansen" og heimelaga "Buzz" medan me trykte innpå litt kake (ja, det var meir mat!), og då me omsider trilla oss i seng var klokka blitt eitt. Me stilte klokkene våre fram ein time, og etter sommartida som me no er i, var klokka blitt to. Heldige som me er, var det ingen av oss som (har sagt at dei) drøymde om dei tre skumle hestane som prøvde å ta oss ute i skogen tidlegare på dagen..

Dette var ei veldig kjekk feiring, og helga vart avslutta med ei annan super hending, nemleg russerevyen på Framnes, "Hugleik"! Kan det bli betre?

Så kom omsider den store dagen for vår alles kjære Synnøve. Ho vart fødd på den 30. mars, 1991, og i år kom denne datoen på mandagen.

Dagen byrja bra med berre éin skuletime i løpet av heile skuledagen! Litt ekstra fri (til ære for Synnøve?) set me elevane alltid pris på.

Ettermiddagen vart nok brukt til litt prøvelesing, men då kvelden kom, laga me muffins! Synnøve er veldig glad i alt søtt, så muffins med ekstra nonstop i, var midt i blinken.

Me ordna til, laga maten, og då me endeleg fekk ete muffinsane, var klokka blit ein del etter innetid, men kvan bryr seg? Nå når fleire og fleire av oss vert myndige har ikkje tilsyn så mykje å trua med lenger.. ;)

Muffinsane var vellykka, og eg legg meg no, mett og god. Glad i deg, Synnøve! God natt :)

What a great day!

2009-03-24T22:15:00.004+01:00

Då re eg her igjen, og i dag vil eg fortelje om ein heilt fantastisk flott dag!

Eg byrja dagen med å stå opp til vanleg tid, og så tok eg bussen inn til Norheimsund. Derfrå reiste eg vidare til Åsane, og så til Knarvik. I Knarvik fann eg vegen til Norhordland Trafikkstasjon, og melde meg i kassen med kølapp nummer 128.

For å fatte meg litt kort, så tok eg teoriprøven for bil, og fekk "Gratulerer, du har bestått!" opp på skjermen etter 36 min med svaring og gjennomgåing. Dette var ei heilt fantastisk lettande kjensle, og då hadde eg noko å gle meg over resten av dagen.

Men ikkje nok med det. Då eg kom tilbake til Framnes att, hadde eg berre tid til å putte i meg litt (rar) middag, og så var det klart for Eikedalen! Det er i dag akkurat 6 veker sidan eg fall på ski og øydelagde armen og skuldera mi, så no er eg medisinsk sett friskmeld.

Føret i skitrekket var heilt nydeleg, så frykta for å ramle igjen forsvann raskt. Eg stod telemark og koste meg i mange timar, og er særs nøgd med at kunnskapane og teknikken ikkje har forsvunne heilt sidan sist!

Så takk for ein flott dag! Eg håpar fleire har kost seg denne vårdagen :)

Då gjenstår litt prøvelesing, og så er eg klar for legging. God natt!

Skitur!

2009-03-21T18:29:00.008+01:00

Då e me tebake fra ein flott skitur på Kvamskogen.

Solvor tok ansvar og fekk med seg ein gjeng på omtrent 10 stk (?). Me blei kjørte opp i minibuss av Arne, og gjekk ein partimars skitur derfra!

Eg storkoste meg både på vei opp å på vei ner igjen. Men nerturen blei nok oppturen. God stil på någen, mens andre heller satsa på underholdningsverdien ;)

Detta va et strålande tiltak som lett bør gjentas! :D

Gratulera, Tone! :D

2009-03-19T16:00:00.002+01:00

Eg vil bare meddela kor utrulig stolt eg e øve Tone Marit! Gratulera så masse med lappen, og nyt livet som sjåfør! Detta har du absolutt fortjent! :D

Sunt og godt for sinn og kropp :)

2009-03-17T22:06:00.004+01:00

Då har me, ein liten jentegjeng frå Framnes, vert i Norheimsund på gratis hudpleiekurs. Me har fått rensa, vaska, peelt og fukta huden itte alle kunstens regler. Fantastisk!

Nå føle me oss mjuke som babyromper :)

Både hender, ansikt og lepper har fått gjennomgå, og me e alle særs fornøyde! Dokke som ikkje va der har gått glipp av ein veldig koselig jentekveld.

Då glede me oss bare t sminkekurset som komme om et par veker! ;D

Snakkes!

E d ikkje rart?

2009-03-16T18:45:00.000+01:00

Då satt eg her då, mitt i ein "effektiv" leksegjeringsperiode. D e nesten merkelig kor møkje eg får lyst t å gjer når eg har någe som må gjerast.. Tanken om å vaska rommet slo meg til og med!

Leksene mine denna vekå e jo egentlig ganske greie. Hovudoppgavå e prosjekt/framføring om Nicaragua på spank. Både kjekt og spennande, men likavel både vanskelig og stressande.

E d ikkje rart kor negativt ordet "må" e? Alt som eg må gjer e kjedlig og fælt, mens alt aent kan var veldig greit. Å lesa om spansktalande land e någe som i utgangspunktet interessere meg, men når d blir leksa, så dette all gleden vekk..

Så då seie eg bare lykke t t meg sjøl, så får me håpa på at arbeidslysten treffe meg ein dag (før torsdag!)..

Ein ny verden..

2009-03-15T21:49:00.000+01:00

Jaja, då har eg tatt skrittet og oppretta meg ein blogg. Denne vil eg bruka t å legga ut diverse innlegg av ulik kvalitet og spontanitet. Så får me sjå kor ofta eg oppdatere. Eg e positiv nå i startfasen, og ska gjer så godt eg kan!

Følg med videre..